موضوع للنقاش - الدراسات العليا و أثرها على المستقبل الوظيفي

AME21

السلام عليكم و رحمة الله

بختصار شيديد......
مع ظهور برامج عديدة للابتعاث
كثر اللغط في جدوى الحصول على الشهادت العليا مثل الماجستير و الدكتوراة.

و بعد عودة مجموعة من الدفعات الحاصلين على درجات عاليا للبلد.
و جدت أنه من الاجدى مناقشة هذا الموضوع حيث يطرح الجميع تجاربهم و خبراتهم و جه نظرهم في الموضوع خصوصا ان شريحة لا يستهان بها تفكر و بجد في هذا الموضوع و مدى فاعليته على مستقبلهم الوظيفي.

أدعو الجميع للأدلاء برأية و لكم خالص التحايا.

Eng.hmody

المشكلة في الشركات تبي خبرة فقط .. الأكاديمي الماستر والدكتوراه أشبه بالعاله عليها !!

كثير من المبتعثين يحسب إنه لا جاء ومعه بكالريوس ولا ماستر الشركات راح يتضاربون عليه

والله العظيم أقولكم من واقع تجربة .. الشركات خبره x خبره , ما أقول المؤهل مايهم لكن الخبره هي الركيزة الأساسية بالتوظيف .


باختصار : الشهادات الكبيرة للي توجهه أكاديمي , القطاع الخاص والشركات اكتسب خبرة أفضل لك ومايمنع بعد كذا تاخذ شهادة علمية محترمة كـ mpa مثلاً ..



اتمنى إني كنت في صلب الموضوع ولاشطحت .. مشكور اخوي على طرحك الموضوع

النمر15

أنا اللي وصلني من أحد المطلعين في وزارة التعليم العالي إن المبتعثين فرصهم الكبرى تكون في الوظائف الأكاديمية في ( الجامعات والكليات والمعاهد ) وهذا سمعته من الدكتور العطيه في مقابله في قناة الإخبارية قال ( الإحتياجات الأكاديميه تتطلب 80 % من المبتعثين ) قال أيضاً إن بعض الجامعات وقعت عقود مع الطلاب وهم على رأس الدارسة .

AME21

ما شفنا شي

دمعه ألم

فعلا صحيح الماجستير و الدكتوراة مهمة

و بدأ اصدار قرار من يريد التدريس في جامعه أو كلية لابد أن يكون حاااصل على الماجستير اقل شيء!!

لكن ماذا عن الخبرة؟؟

الناس تخرجوا و يبون منهم خبرة 5 سنوااات و الا اقلها 3؟؟؟

طيب و التعب في الداراااسة وينه؟

هل هذا اثباات على سوء المناهج انة ما توفر شيء مفيد للمستقبل؟

بالتوفيق...

__________________
أستغفر الله العظيم عدد خلقة و رضا نفسة و زنة عرشة و مداد كلماته

اللهم سهل اموري ،، أدعوا لي

( رغم الألم و دمعآآته ... سيبقى الأمل و بأنتظآآرهـ... )


اللهم لك الحمد كما ينبغي لجلال وجهك و عظيم سلطانك

AME21

هل تفضل الشركات الخبرة أم الشهادة العليا

النمر15

الخبرة ثم الخبرة ثم الخبرة ثم الشهادة

MR Finance

صدقتوا ...موضوع مهم جداً


ودي اعرف اراء الناس اللي اخذت ماجستير بدون خبرة من الخارج هل فرق معاهم الراتب او الوظيفة جاتهم بسرعة ؟

ولـد الـسـلاطـيـن

^
^
^
لي خال تخرج من الكلية التقنية بالرياض بكالوريوس وطلع على استراليا وحضر الماجستير ورجع والى الان عاطل!!!! ... تدرون ليه؟

لانه يبي وظيفة في نفس المدينة الي هو فيها ... طبعا قبل تخرجه من استراليا جاه عرض من شركة قوية بالمملكة ورفضها(هذا قبل ما يحضر الماجستير)
بعد ما خلص ورجع جاته عروض بالهبل اخرها في بنك الاهلي وكان الراتب المعروض عليه عااااااالي لدرجه انه ما توقعه (طبعا رفض كالعاده وكان السبب لانها وظيفة بنك)


فيه نقطه احب اتكلم فيها وهي وجهة نظر متواضعه ....
وهي ان اغلب الي يطلعون ماستر ما يعرفون وش هو هدفهم من دراستة الماستر ولا عندهم نظره مستقبليه للتخصص الي بيختارونه للدراسة وهذا هو الخطأ الكبير الي مودي العالم في داهية ... يعني مثلا واحد تخصصه رياضيات وهو مدرس جاته البعثه واختار تخصص ماليه مثلا (قرأ اسم التخصص واعجبه ولا شاف العالم كلها تقول ماليه واختاره) .... من الطبيعي اذا نظروا في السيرة الذاتية حقته وشافوا ان تخصص البكالوريوس رياضيات والخبرة في التدريس والماجستير مالية ويبي وظيفة في شركة استثمار (حشا بالله ملوخية مو سيرة ذاتية) من الطبيعي ان مابيكون له محل بالشركة ..... اما اذا كان طالب وظيفة محاضر في جامعة لتخصص مشترك في المالية والرياضيات هنا نقول ممكن تكون فرصه بالقبول اكبر .....

زبده الكلام ان الي طالع يدرس ماستر لازم يعرف وش يبي من دراسته ويختار التخصص بعناية تامه والله يوفق الجميع ...

Future2010

السلام عليكم

احب اشكر صاحب الموضوع وذالك لاهميته وخاصة في هذا الوقت بالذات وقد كثرت البعثات ولله الحمد

بالنسبه للدراسات العليا من ماجستير ودكتوراه ارى انها تعتمد كليا على وضع الشخص الوظيفي ... هل هو في وظيفه حاليا ويريد تحسين وضعه ام انه عاطل ويريد الوظيفه.

لنفرض ان الشخص في وظيفه حاليا: من تجربتي الشخصيه نعم الدراسات العليا لها فائده عظيمه وذالك في الترقيه والمناصب الادرايه في الشركات الكبرى .... وانا اتكلم هنا عن شهادات عليا في التخصص مثل هندسه وغيرها وليست اداره مثل mpa لان الشركات الكبرى مثل ارامكو عندهم برنامج بالتعاون مع جامعات عالميه مدته سنه يمنح mpa وهذه ياخذها كل من هو في منصب مدير واعلى ... يعني mpa تحصيل حاصل وليست الاساس. الاساس هي شهاده عليا في تخصصات الهندسة المختلفه

اما ان كان الشخص عاطل: فان الدراسات العليا لا تضمن له الوظيفه في الشركات الكبرى ابدا .... لانهم يفضلون الخبره على الشهادة العليا. ولكن لديه فرصة قوية جدا في الالتحاق بالعمل الاكاديمي في احدى الجامعات ... فله الخيار بين 25 جامعه محليه الان في السعوديه ويمكن يحصل عمل وبجنب بيته ان كان حاصل على شهادة الدكتوراه وخاصة بعد انتشار الجامعات في كل مكان من البلاد.

بالتوفيق للجميع

saf7d

اول شيء اشكر صاحب الموضوع

الخبره اولا بعيدن الشهاده

انا عن نفسي ان شاء قريب بادخل الماستر- مع العلم لو دخلت وخلصت مو من السهل اني استفاد منه بالشركه لانه بيكون على حسابي
بس لو بطلع الى شركه ثانيه اكيد بتفرق كثير

__________________